用「CAP」來打造個靚「Portfolio」

用「CAP」來打造個靚「Portfolio」
有家長問我點樣幫個仔打造個靚嘅portfolio(個人概覽)來申請小學。我叫佢用CAP來造
,他不明所以,我同佢一一解釋,有興趣家長宜細讀以下內容:
家長:有的人話「portfolio should tell a story」(應講隻故仔),此話是否值得信?
趙Sir:此話語焉不詳,我會問a story about what?(一隻乜嘢故仔?)其實portfolio應講關於子女的CAP,C代表實力Competency,A代表能力 Ability,而P代表Potential潛力。校長了解你個子女的能力、實力同潛力,便容易取錄佢了!
家長:邊方面的CAP?
趙Sir:問得好,最重要係學業,其次係品德同多項智能MI (Multiple Intelligences),例如體育、藝術、文化等。家長可以從學校網頁查出嗰間小學注重哪一項,知道咗便可以喺portfolio聚焦,用一個平實樸素嘅clear book(透明資料冊)製造便可以。Portfolio有封面及五頁。
家長:封面應該放些乜嘢上去?
趙Sir:封面要俾校長一個好印象,一般教育界人士傾向保守平實,不宜太隨意 (casual),我建議封面可放上男的穿著有領的新淨恤衫、長西褲;女的穿著裙子,因為有領的恤衫和裙子都被認為斯文大方的衣著,人人都會接受。
家長:明白,第一頁應放乜嘢上去?
趙Sir:第一頁要表達孩子的P(潛力)和A(能力),宜放些在playgroup、興趣班上過而攞過獎嘅項目,如果學校重視音樂,便放些合唱活動,重視體育便放些得獎的體育或遊戲活動了。
家長:第二頁呢?
趙Sir:第二頁就放一啲喺幼稚園曾攞過的獎項了,例如操行獎,或者搵一年有一半取得A+嘅成續手冊放上去,表示子女嘅C(實力)。
家長:明白,第三頁又放啲乜上去?
趙Sir:第三頁便將子女一篇高質素或高分數的文章、繪畫放上去。最好有老師兩三句稱讚的評語,以示連第三者,亦認為子女有實力(C)。
家長:係喎。第四頁係唔係放啲推薦信上去?
趙Sir:冇錯,最好搵前幼稚園校長寫封推薦信,或者賞識子女嘅教練(coach)寫都可以,呢啲信會顯示出你子女嘅實力同潛力(C+P),幾有用嘅!
家長:明白。第五頁應該放啲相先啦!
趙Sir:同意。不過應該放以下三類相先:第一類係「全家福」式相啦,表示「家庭的溫馨」;第二類係子女得獎相先,表示「家長對佢嘅支持」;第三類放全家做義工相先,例如探訪老人家同賣旗,表示家長鼓勵子女行善,回饙社會。
趙Sir:校長讀完以上五頁portfolio,知道你子女既有能力,又有實力及潛力,亦有父母全力支持,點會唔取錄你?
家長:多謝趙sir指點迷津。
作者:趙榮德校長
前喇沙書院副校長,香港輔導教師協會榮譽顧問;香港大學專業進修學院客席講師。著作約有廿二本,包括最新出版的2018/19「尋找免費優質幼稚園」及「小學選校一本通」等;更在「趙Sir之友Facebook」發放升學、親子文章:www.facebook.com/趙Sir之友